1 - AMALIY KEYS: Umumiy o‘rta ta’lim tashkilotlarida boshqaruv faoliyatining me’yoriy-huquqiy asoslari
Vaziyat
Maktabda darslarga kechikishlar koʻpaygani sababli direktor “muntazam 3 marta kechikkan oʻquvchini darsga kiritmaslik” boʻyicha ichki tartibni joriy etadi. Buyruq shoshilinch chiqariladi, ammo u Maktab Ustavi, Taʼlim toʻgʻrisidagi qonun va amaldagi tartib-qoidalarga mosligi oldindan oʻrganilmaydi.
Yangi tartib qoʻllanila boshlagan ilk kunda bir nechta oʻquvchi darsga kiritilmaydi. Ayrim oʻquvchilar koridorda qolib ketadi, ayrimlari uyiga qaytib ketadi. Ota-onalar bu holatni oʻquvchilarning taʼlim olish huquqini cheklash sifatida baholab, tuman boʻlimiga murojaat qiladi.
Tekshiruv oʻtkazilgach, ichki buyruqning huquqiy asosi yoʻqligi, tartib oʻquvchi huquqlariga zid ekani hamda amaldagi meʼyoriy hujjatlarga mos emasligi aniqlanadi va direktorning qarori bekor qilinadi.
Qaror qabul qilishga oid savollar
-
Direktorning joriy qilgan tartibi qaysi asosiy normativ-huquqiy hujjatlarga zid boʻlishi mumkin?
-
Oʻquvchini darsga kiritmaslik oʻrniga qonuniy va xavfsiz muqobil choralar qanday boʻlishi kerak edi?
-
Ichki tartibga oʻzgartirish kiritilganda kimlar bilan maslahatlashilishi va qaysi tartibda rasmiylashtirilishi lozim?
-
Ota-onalar norozilik bildirganda direktor qanday tezkor va huquqiy toʻgʻri choralarni koʻrishi kerak edi?
-
Kelgusida shunday xatoliklar takrorlanmasligi uchun maktabda qanday normativ tartib va ichki mexanizmlarni joriy qilish zarur?