6 – AMALIY KEYS: Liderlik kompetensiyalari va xodimlarni motivatsiyalashning innovatsion usullari
Vaziyat:
Maktabda bir necha yildan beri ishlayotgan tajribali o‘qituvchilar va yaqinda ish boshlagan yosh pedagoglar o‘rtasida masofa ortib bormoqda. Tajribali o‘qituvchilar yangiliklarni sekin qabul qiladi, yoshlar esa o‘z takliflarini bildirishdan cho‘chiydi. Direktor bu holatni “avlodlar farqi” deb baholab, aralashmaydi. Vaqt o‘tib jamoada norasmiy guruhlar shakllanadi, metodik yig‘ilishlarda keskinlik kuchayadi, yosh pedagoglar o‘zini chetda his qilishi sabab tashabbus ko‘rsatmay qo‘yadi. O‘qituvchilar o‘rtasidagi bo‘linish pedagogik jarayon sifatiga ham salbiy ta’sir ko‘rsata boshlaydi.
Tekshiruv jarayonida vaziyatning ildizi rahbarning jamoani birlashtirish, ochiq muloqot o‘rnatish, qo‘llab-quvvatlash va motivatsiya bo‘yicha yetarli liderlik choralarini ko‘rmagani bilan bog‘liq ekani aniqlanadi.
Qaror qabul qilishga oid savollar
-
1
Rahbarning vaziyatni “tabiiy jarayon” deb baholab, aralashmagani liderlik nuqtayi nazaridan qaysi xatolarga olib keldi?
-
2
Jamoada bo‘linish sabablari (psixologik, tashkiliy, kommunikatsion)ni aniqlash uchun rahbar qaysi vosita va metodlardan foydalanishi mumkin?
-
3
Tajribali va yosh pedagoglar o‘rtasida o‘zaro hamkorlikni kuchaytirish uchun qaysi innovatsion motivatsiya va qo‘llab-quvvatlash usullari samarali bo‘ladi?
-
4
Jamoada ishonchni tiklash uchun direktor qanday kommunikatsion va liderlik strategiyalarini qo‘llashi kerak?
-
5
Kelgusida jamoaning “ikki qatlamli” bo‘lib qolmasligi uchun maktabda qanday barqaror mexanizmlar (mentorlik, umumiy loyiha guruhlari, ochiq muloqot platformalari, e’tirof tizimi)ni joriy etish zarur?